Natukun tekuashe tshekatshi peta meshaue takuen peakuau. Nishtam natukun petautakentshe tshekatshi shuka meshau pesish peta tsheka takuen nishtam nta shapushtautunantshe. Papekuau tshekatutakenu shapushtauakentaue innuts, nishtam peta auentshi etenemakenets tshekakashtenamuets nenu COVID-19 aushuenu kie entshe etenemakenets tsheaushishkakuets etu kashtanakaue akushunu, kie entshe katusets kantueutshi kaushenuani nenu COVID-19 kentaushenuani.

Nishtam peik

Nishtem petautakentshe COVID-19 natukun, kie mushenau tshekapetautakenu neshpesh nete 2020 kie 2021. Nenua kenishanuani natukuna tshekatekuea Pfizer-BioNtech mak Moderna kenashiniateuani.

Entshe essishuets uinuau tshetutakenets Nationa Advisory Comminttee kenashiatakenutshi nenu shapushtautunanetshe mak eshpashants natukunu penetautakenets ute Newfoundland mak Labrador kie nenua tshetshitapamakenatshi nitsham auenua peta:

• Tshekamamunakenuets tshenuets;
• Katusets eapets (tunishkuesets mak kuetakets ketusets nete tukatshuapish entshe etenamakenets tshetshi kashtanas nenu COVID-19, kie entshe kemashtananukushutshi euauitshaushits.
• Eapets entshe kamishetupuneshutshi; mak
• Kie kueteks innuts nete innu assits

Enta nishtam kenanua, nishtam peta tshekatshitapatekenua tshekuana, tshenasha petautakents, tante tsheshtakents, kie tan tshenashaminuants, kie esitakuash ne natukun. Mesheue tshekuan tshekatutakenu tshetshi nass minpenitakents shapushtauakentaue innuts put kueteks auentshi entsh ketautshi nishtam tshatapamakenets, tshetshika nanuitakents natukun. Muk tapue, ekatukuash nte tsheshtakents kie tshenashaminuants, tshatshi put passe nanuitakenu nashkapentshe mante ueish ente put. Eku nashkapents tshatshi put minakenuets entshe kueteks kaeshpeakenets.

Tshekamamunakenuets etateshets mishiue tshenuets mak mamu auentshi kueteks, katusets mak entshe kaueshutshi mushenau nete ketautshi tshenua kakeuenamakenuani, mak nete auentshi kueteks kakeuenamakanutshi uitshuats, mak ente ketautshi kakeuenamakanutshi eapets, mak ente kuetaka kakeuenamakanutshi auentshi katshinitutashutshi. Mak entshe katshinitutashutshi kuauitshakenutshi ketanuani unauitshinakuets, mak ukamuauets kanuneuetshi utuasemashuaua, mak katshipapamuteuetshi, mak entshe kemashtauauitshiakenutshi, mak kauetuniuakenutshi, mak mishiue tshekuanu kenitutuakenutshi.

Katusets nete tukutshuapish kie mishiue ukatuseshimuaua nete kenakatuenamakenuani tshenua put auenua katshiashinuani, neuesh kanakatuenematunants mishuap, uitshuats nete auen kanakatuenamakent mak ente mishuap kanakatuenamakanets auentshi.nishtam enta, katusets nishtam tshekauinakenuts nete etusets meshants akushunu nete meshtaushananets. Entshe katusets:

1. COVID-19 kentusenamatunanua
2. Tukentshuapish, nete neshkueuets kemanashiutshi
3. Nete shenapushtautunants
4. Nete pemashamakenets COVID-19 kaueshets
5. Mak nete COVID-19 kamashtaueshets kapamashamakenets

Ane katusets kauishapushtauakenutshi tshekashapenu put tante COVID-19 essi takuash ne natukun nete Newfoundland mak Labrador tshenashpents

Eku nass katsheniutshi mak entshe 85 (ainaneu tatenu ketatupuneshutshi kie ettu

Kepapekushuani innu/esimeu assina utenaua mak nenua Innu assina kie esimeu assina nete kaetakush shuka tshekuan tshetshi natuakenets auentshi shuka kie eanamash tshetshi nashtutakents mishiue tshekuan eshpents kie aueshun tshenashanakatuapatakents kie tshenakushtanutakents. Epapekuesi nasishuanu assin nete innu assin put katakuash nete uauiu nass 350 kms kenanua etakuash tukentshuap muk meshkeu napatshitakents. Eku nete kueshteshe innu assina eka takuash meshkeu muk kapaminasht eapatshakent muk kamatuetes emanuats eapatshitakents, muk metakuen meshkau utapan tshetshi nashpatamakash. Eku uin nass ekatakuash tshekuan tshetshi nashpent kapaminasht put utapan tshetshi nashpatamakash mak ekashuka menuasht eapets kamatuetes kie eka shuka menuats kanatutakents.

Eku anushu, natukun tshekaminuanu tshekashapushtauakenutets antshe (16) ashutatatushuap ketatupuneshutshi kie nete ettu nenu Pfizer-BioNtech natukunu kenasheniatenua kie entshe kueteks aneaneu tatushuap 18 ketatupuneshutshi kie ettu nashpamish Moderna natukunu kenashiniatenua uinuau tshekashapushtauakenuets. Eku kueteks uassets 16 etatupuneshets kie ente nashuk tshekatukunu eshk uinuau tshikutshitakenatshe kuetakenu natukunu eshkuente muk.

ESHANAKUASH TSHEKUAN 

Eku, ute Newfoundland mak Labrador, mante kueshtukuash aueshun COVID-19  tshetshi nashpents nete mashetets tshenuets , ( tshenuets kaueuenemakanutshi, auentshi uitshuats kakeuenamakanutshi, kuetaka auentshi akakeuenamatunantshi), tukutshuapa, mak nete innu assits eka shuka takuashi tshekuana tshenashatuakenets auentshi.

Eku anushu ute Newfoundland mak Labrador, eka shuka takuash  aueshun kie ekashuka mishetets tshenuets tshetshi kashtanas, essi uapatamau nete kueshteshe essi mitshetets tshenuets nepanakuets nenu aueshunu nete kakeuenamakenutshi, tante nete timaken mashetanants nenua mitsghuapa kemamashauani kakeuenamakanutshi tshenuets. Tante auentshi entsh keneuenamakenets tshenuets nass kamishetapueneshutshi kie tshash entsh uipets uitshaueshuets eku nenu kenashtanas eku entu meshtaushets kenashtanas nenu COVID-19 aueshunu. Nete etats tyyq1`21vcvauentshi utasiuats, katusets tukentshuapish, mak entsh etasets nete innu assits put eka ushits ente enkuets nishtam tsheminakenets nenu COVID-19 natukunu tante enkuets nass meshtatusets netukunuets kaiaushentshi auenua nete tukentshuapish.

Tuashtakushuts, tunishkuesets, mishiue tukutshuapish katusets enkuets nishtam tshemamatenenamakenets tshetshi minakenets nenu natukunu tshetshi min pempanitats nenu tukatshuapenu kie tshetshi minu atusets, kie tshetshi kashuka meshats akushunu neshpentshente. Entshe nishtam kuishapushtauakenutshi katusets tekuanatshe natukunu entshe kenatukueiutshi nenua auenua COVID-19 aueshuenu kekashtanamanuani tante metshama nenua tshekataueuts etantshi mushenau kie tshetshi eka etu ashuminuets kie tshetshi manepuenets uishamakentaue kie tshetshi minu atusets kie entshe keminueutshi keuauitshaushiutshi nenu shenapushtautunanets. Eapets entsh kuetakets tshekashapushtauakanuets katusets etu takuenetshe natukunu.

Nete kuetaka keapashashuani utenaua, innu mak esimeu utenaua, tsheka tshi put shuka takuenua tshekuana tshenashanatuakanets auentshi uetitakutaue COVID-19 aueshunu. Eapets entsh kepapekushuani keapashashuani utenaua eat kepua katakuen eshk COIVID-19 aueshun, tekuashe mante tshishue tshekatshapenu put auentshi tshenapanakuets. Eshkuente metakuen nete kepapekushuani utenua nete Newfoundland mak Labrador ne COVID-19 aueshun anushu, tshekaui kuetshitaiai tshetshi katakuash nass. Mamu shapushtautunantshe tshekui uitshetesemakenuets innu utshimauts.

Kueshteshe nishuau

Kuetekets auentshi katusets tshekauishamakenuets shapushtautunanetshe tshishapushtauakentaue entshe nishtam kuetakets katusets etu tekuenatshe natukunu. Entshe  kantashuets NACI kenashiniashutshi, aietsh entsh:

• Entshents kashtetshamakanutshi tukutshuapish katusets kuetekets;
• Auentshi nete kuetekets katats nete utenauats kie katusets mamu enta katats etusets;
• Mak entshe nishtam meshtananukushutshi kenashtatuseutshi nete tukutshuapish katusets.

Enkuen nenua etu tsheuauitakentshi patush etu natukun kuetek tekuashe. Etu shapushtautunantshe tatau shapushtauakentaue innuts, kie minakentaue enta tshishakuenu tsheshapshtauakenets, kie eapets tantenu tsheshtats natukunu takuenetshe.

Kueshteshe neshtuau

Eku nass mishiue entshe etenamakenets tsheaueshets tshishapushtauakentaue, eku patush kuetekets tshetshitamamakenets tshetshi shapushtauakenets. Tsheka nashpenu put nanu natukun tshetshi mishiue shapushtauakenets auentshi nashpesh ete 2021 tekuatshishe.