Tshe tshenipinanu eueshitakents  natukun, ene uishatshenapents, mamu etashkatakents, eapatshitakentshi tshekuana, kamasish kauauitshaushits kamashtanantusenitas tshekuanu kanantuapatas mishiue eshanakuenets natukunu, mishte tuashtakuashuets, kanantusenitashets mishiue tshekuanu, tsheutshamuets, mak eapets emashtapatshitakents shuneau. Muk, mishiue eshanakuash natukun ute patakatakents Canada, tshekaui uapatum peta Canada patush tshetshi uetanak kie patush tshetapuetak. Eapets nenua mishiue kueshtekentshi natukuna ute etakuashi tshash Canada.

Muk COVID-19 natukun tshekapatshitakenu ute Newoundland mak Labrador tapuetashe Health Canada utshimau, kie tapuetekentshe tshetshi menuats, atusemakash, kie senitakentshe tshetshi uitshinuet tshetshishakutat nenu aueshunu. Etu uintusenitamekue ene eshanakuash COVID-19 natukun, nete tshentutek kie tsheuapatamek Tsheutshamau meshananekenish nenu website.

Mushenau natukuna nakatuapatakenua katshi tapuetakentaui tshetshi apatshitakentshi kie tshetshi menuakaue kie tshetshi uitshinakuets auentshi kaueshets. Entsh auentshi katauatshets, tuashtakushuts mak Health Canada Utshemau mamu nakatuapatamuts nenua natukuna mishiue etapatshitakenatshi mak eshapashtanakenatshi. Health Canada Utshimauets mak ente mishiue tukuentshuapa katapenitak ute Canada tsheka tutamuets tshekuanu kamanapuenetshe nenu natukunu. Ekuen Natukuna mishiue eshanakatuapatakentshi napatshitakentaui.