Ne Pfizer-BioNtech COVID-19 natukun Tsheutshemau Canada eshaniunanets kanakatuapatak tapuetamupan tshetshi apatshitakenets nauenta Pishamusa 9,2020 etshishtanakenatshi kie Moderna COVID-19 natukun eapets Tsheutshamau Canada tapuetamupan tshetshi apatshitakenets nta nau Pishamusa 23,2020 etshishtanakenetshi, tsheuapatamen Canada tsheutshamau meshananeken.
Tan tshetutatsheten Pfizer-BioNtech kie Moderna COVID-19 natukun kanashaniateua?
Ne natukun minakune tshekatasemaken tshetshi takuash nte tshinats tamish nau tshekanashanakuen aueshun kenashanakuenua muk meuen aueshun muk tshekanutshikum nenu aueshuenu tshetshika aueshen. Tshinats nte takuen ne uatshinakuen tshekuan eapets tshetshika sasakuets aueshen. Ne tshekuan etakuash nte tshinats kuetaka nenua tshekanitautshimekea minakuene ueshkatshiu natukun tshetshi nepatat nenu aueshunu. Kie antshe natautshimakash ne natukun nete tshinats enkuen tsheuitshionakuen kie tshenakatuenamekuen tshetshika aueshen aueshun uinatankuene. Ne natukun metakuenta aueshun eku tshekatshitshiminakuen kie tshekatshitshikashtene aueshun.
Ne Pfizer-BioNtech mak Moderna natukun kenashaniatekenua tshash tshi mishue kuetshitakenu tshetshi menuakue eku tshash nenu Tsheutshamau Canada tapuetum tshetshi apatshitakenets.
Tanta tau tsheshapushtauakenets auentshi?
Ne Pfizer-BioNtech natukun muk nishuau shapushtauakenu auen 19-23 tasishakaua peik kie minuats kuetek eku uin ne kuetek Moderna natukun nishuau eapets peik nishtam tshet tshipekupishumueatshe patush kuetek. Eku patush mishiue tshishapushtakuene minuats ente peiku mashtakea tshekashanuatai tshetshi patush atusemakash ne natukun uinatankuene aueshun.
Tae tatupuneshits auentshi tsheshapushtauakenets?
Ne Pfizer-BioNtech natukun kenashaniateua ashutash tatushuap (16) etatupuneshets kie etu tshesheniuets kie ne kuetek Moderna natukun kenashaniateua aneaneu tatushuap (18) etatupuneshets kie etu tshesheniuets tshekaminakenuets. Meshuka mishea etakuashi nanu anushu kuepenua 2021, muk auentshi tshekautanakenuets tsheminakenets peta. Uintuseniteme tshetshi shapushtakuen: tshetshi tapatamen meshananeken.
Ma aushishkatsheu ne natukun?
Muk eshanakuash natukun aueshishkatsheu, tshatshi put aushishkatsheu ume natukun katakuenua.
Tshishapushtakuene, tshatshi put pesish mushitai tshekuan. Muk pesish tsheka mushitashen kie tshekatshineuesh mushitai tshishapushtakune. Ne put tshekatamashiuen:
Pfizer-BioNtech
- Tshakaueshen eta kashapushtautunants
- Kenteshkushinaua tshekatemashiuen
- Tshekaushen tsheshtakuan
- Tshekaueshen tshemuashashemets
- Tshekashiatamashiuen
- Tshekaueshen tsheshkea
- Tshekatsheteumashiuen
- Tekuente tshekuan tshinats tamits mishiue nanekueteni tshatshi patshapenu auen.
Ekune Moderna natukun
- Tshakaueshen eta kashapushtautunants
- Kenteshkushinaua tshekatemashiuen
- Tshakaushen tsheshtekuan
- Tshakaushen tshemuasheshemets kie kentshitushinaua tshekentamashiuen
- Tshekashiketamashiuen
- Tshekaueshen tsheshkea
- Tshekatsheteumashiuen
- Takuente tshekuan tshinats tamits mishiue nanekueteni tshatshi patshapenu auen
- Tshatshi patshapenu tshekuan kie kamiaua tshanashanakuen eta shapushtakuene
- Tshatshi ushtamashiuen kie tshatshi pakupakumen
Mushitane tshekuan tshishapushtakune tshenashtapa tsheuitamuet tunishkues.
Auen tshekashapushtauakent?
Nashkueuets kapuauiutshi, kanunaushutshi put kauipuautshi tshekui uitamueuets tunishkuesa. Auen etakuenatshi utakushun tshetshika utshinakuet natukunu, kie etakuenakue shtakushun tshetshi sesakuets aueshen, mak auen kuitshaushukuna nete tamits uinats put auen natukunu kaminakenua tshetshi menapuenets muiuk. Tsheuitamuek tunishkues nenua tetamekue ketakunuani patush tshetshi shapushtakunek.
Pfizer-BioNtech Vaccine
Ne Pfizer-BioNtech natukun kenashiniateua tshekatshitshiminakenu auen senamakentshe tsheaushishkakuet nenu tetashe:
- Tshetshiushtashkakuet muk eshanakuenets natukunu katshi shapushtauakent
- Kie ekatshipueshapuatak tshekuanu natukunu muk eshanakuenets nenu etashtents (Product Monograph Pfizer-BioNtech COVID-19 Vaccine)
Tshetemashiune put kashtaname COVID-19 akushun temashiune, kie tshishapushtakune ne natukun kashapushtautunanua mishue katshinishamuashtakeats (neushap tasishakaua 14 ) mak tshishapushtakune kutatshakumenanua. Uishanuapatame tshetshi shapushtakuen. Katatame tshekuan tshi neushap tasishakatshe tshishapushtakune, eku patush minuats tsheshapushtkuen.
Moderna Natukun
Ne Moderna natukun kenashiniateua tshekatshitshiminakenu auen senamakentshe tsheaushishkakuet nenu tetashe:
- Kie ekatshipueshapuatak tshekuanu natukunu muk eshanakuenets nenu etashtents (Product Monograph Moderna COVID-19 Vaccine)
Tshekamametenenamakenu peta auen tshetutuakent tshetshi ashanuapamakenets put auentshi kameshteakushutshi. Auentshi kashuka put kameshteakushutshi tshenashtapa tshekashapushtauakenuets muk patush tshinakatakutaue utakushunuau.