Tânna Pfizer-BioNTech COVID-19 kapputiup pitagijangita âkKisautinga angittausimajuk taikkununga Inositsiagittotitsigasuannimut Canadami ullungani Decembera 9, 2020 ammalu tânna Moderna COVID-19 kapputiup pitagijangita âkKisautinga angittaulauttuk taikkununga Inositsiagittotitsigasuannimut Canadami ullungani Decembera 23, 2020. Kaujigatsatâgiallagiamut ilinganiKajumut kapputiup pitagijangita âkKisautinganik, takuniakKujauvusi tâpsuminga Government of Canada’s website.
Kanulli tânna Pfizer-BioNTech ammalu Moderna COVID-19 kapputiup pitagijangita âkKisautinga piKattajong?
Tânna kapputiup pitagijangita âkKisautinga pikKutiKattajuk timinnik kangasotinginnik sanagiamut taijaujunut “spike proteins.” Tânna spike proteins nalunaittautuinnavut aittunattumut sakKititsiKattajumik COVID-19. Akigattotigijait Kanimmasittâtailigiamut kiulangavuk taikkununga spike proteins sanatillugit akigasonik nungotsiniallutik Kanimmasiujumik. Nutâgijatit akigattotet siKulluiniattiluni taikkuninga spike proteinsinik nungotsiKujilluni. Taikkua nutât akigattotet saputjauniattilutit Kanimmasimmik attutausimaguvit taipsumunga COVID-19 aittunattumik. Tainna kapputiup pitagijangita âkKisautinga aittunattumik pitaKalungituk ammalu taimaimmat Kanimmasittâgunnangilatit COVID-19-namik.
Tânna Pfizer-BioNTech ammalu Moderna kapputiup pitagijangita âkKisautinga ottugattausimavuk angijunik ânniasiupvinik ottugattaugumatuinnagiamut kamatsiagumatlutik malitsiagaluammangât malittaugiaKajunut, ammalu laisansitâttatusimajuk ammalu angittausimatluni taikkununga Inositsiagittotitsigasuannumut Canadami Canada.
Katsinik pitâgiaKaven kapputinnik pitagijangita AkKisautinginnik?
Tânna Pfizer-BioNTech kapputiup pitagijangita âkKisautinga maggotuttaugialik aittutausimalluni 19-23 ullunik avittusimajunut ammalu tainna Moderna kapputiup pitagijangita âkKisautinga magguguttaugiaKammijuk atausiattauluni takKimi. Maggonik kapijausimaligeguni wogigiallamik kapijaugiaKagajattut puttunippâmik paigijaugunnagiamut akigattugunnagiamut COVID-19-imik.
Sunait jârilet katingaKatigejut kapijaulangajon tâpsuminga kapputiup pitagijangita âkKisautinganik?
Tânna Pfizer-BioNTech kapputiup pitagijangita âkKisautinga aittutausok taikkununga 16-nanik jârilinnut ammalu jârikkutunitsanut ammalu tainna Moderna kapputiup pitagijangita âkKisautinga aittausok taikkununga 18-nanik jârilinnut ammalu jârikkutunitsanut. PitaKatsiangimut kapputiup pitagijangita âkKisautinganik pigianningani 2021, nalunaittausimajut jârilet katingaKatigejut sivulliutitaulâttut. Kapijaugunnamangâppit, aigajakKusi takuniallugu Priority Groups.
Sunauvat sakKigajattut timinnut nâmmagijaungitunut kapputimmit pitagijangita âkKisautinganit?
Taikkutituna ejanik upvalu âkKisegutiKajunut (ilautillugit nukisautet), kapputiup pitagijangita âkKisautinganik sakKititsisongummijut timinnut piutsangitunut.
kapijaugesimaligavit, nigiunavuk angijongitumik ammalu ânninattongitumik timet akigattugajattuk piugingitamminik ilautigillugit:
Pfizer-BioNTech
- Ânnialuni kapipvigisimajannik
- mingutuk
- niakKigik
- nukiligik
- Kiujâllak
- nakkualigik
- onatsik
- angilligajattut Kinitlitit ittingit
Moderna kapputiup pitagijangita âkKisautinganik
- ânnialuni kapipvigisimajannik
- mingutuk
- niakKigik
- nukkiligik ammalu Kilujik
- Kiujâllak
- nakkualigik
- onatsik
- Angilligiagajattut Kinitlitit ittingit
- Pulligajattut upvalu aupalutsilutik kapipvigisimajait
- Migianguk ammalu/upvalu migiatigik
Atjingingitanginnik timet piungilukappat kapijaugesimakkâtillutit ikKanattumagiuvuk Kaujititsigiamut ânniasiutiligijinnik upvalu nunalimmi apvitattet ânniasiutiligijingita suliaKapvinik.
Kinakkut kapijaujutsauvân pitalimmik âkKisiutimmik?
Annait pitsalet, amâmattisijut upvalu pitsatâniakKotut Kaujititsigialet ânniasiutiligijinnik. Apviatauppat Kanimmasittâtailigekkutit, Kanimmasittâtailigekkutet taimângungituk aullapat, aunnânginnaKattaguvit, ammalu/upvalu atuKattaguvit aunnut silinnisigekkutinnik ejanik, KaujititsiKujauvutit ânniasiutiligijinnik sivungagut kapijaukKânak.
Pfizer-BioNTech kapputiup pitagijangita âkKisautinganik
Tânna Pfizer-BioNTech kapputiup pitagijangita âkKisautinga imailingavuk kapijaugiaKagajangitut ulugianattogajammat kinatuinnamut:
- piusiKasimaguni sunatuinnanik timinga piutsangipat sivungagut kapijausimakkâtilluni
- takugatsaujumik tapvainak upvalu timinga attutausagaisonguppat sunatuinnanut kapijausimajunut upvalu pitagijangit (Product Monograph Pfizer-BioNTech COVID-19 Vaccine)
Onattoguvit, Kanimaguvit Kanimmasimmit COVID-19 nalunaigutiKaguvit, upvalu kapijausimaguvit 14-nanait ullunik Kângisimajunik (ilautillugit Kanimmasittâtailigiamut kapputinganik), utakkigiaKavutit kapputittâtailigiamut pitaKajunik âkKisautiKajumik. Nalunnaigutet nungusimalippata ammalu Kângisimalippat 14-nait ullunik kingullimit kapijausimannigijannik, kajusiutiKagajakKutit kapijaugiamut.
Moderna kapputinga âkKisautilik
Tânna Moderna kapputinga kapijautitsigunnangilak kinakkutuinnanik:
- Attutausagaisonut Kittaingannimik pinianniKajunut sunataKanningit upvalu pitaKappat iluanettunik (Product Monograph for Moderna COVID-19 vaccine).
Isumagijaugialet nukKangattisigiamut kapijaugiamut kinakkutuinnanut Kanimmasilinnut upvalu Kanimmasittâsagaisonut. Kinakkutuinnait Kanimmasilik taijamik upvalu Kanimmasittâsagaisok kapijaugialet taipvanaugasuattumik âkKisiasimaliguni.