Sunait COVID kapputiup pitanga âkKisautilik mânnaluatsiak atuinnauvat Canadami?
Mânnaluatsiak, maggonik kapputiKavuk pitaKajunik âkKisautinik atuinnaujunut atuttausonik Canadami. Inositsiagittotitsigasuannimut Canadami pitsatuniKattisijuk Pfizer-BioNTech’s COVID-19 kapputiup pitanga âkKisautinganik ullungani Decembera 9, 2020 ammalu tainna Moderna kapputinga pitalik âkKisautimik ullungani Decembera 23, 2020. Kaujigatsatâgiallagiamut tâpsuminga kapputimmik, aigajakKusi omunga tânna Government of Canada’s website.
Kanga COVID kapputiup pitanga âkKisautinga atuinnaulâttong?
Tânna sivullipâk aullatitaulâttut kapputet tikisimallutik Decembera 2020. Kapputiup pitagijangit unuttonialungitut sivullimi sitamait takKi tamât jâringani 2021 ammalu sanipvataulangavut taikkununga nalunaittausimajunut iluani Newfoundland ammalu Labrador-imi sivulliutitaugiaKajunut katingaKatigejut. Unuluat inuit pitâsongutillugit kapputimmik atuinnaulualippata Kangatuinnak 2021-imi.
Nani COVID kapputet pitalinnik âkKisuitinnik atuinnautitaulâtton?
Kaujigatsait ilinganiKajumut sivulliutitaugiaKajunut katingaKatigejut ammalu initsangit kapijaugiamut Kaujigatsaliuttaulâttut Kaujigatsatâgiallalippata ammalu atuinnaulippata. Aikkujauvusi tânna COVID vaccine website Kaujigiallagiamut nutângunitsanik Kaujigatsanut.
Kinakkut kapijausongulâtton COVID kapputiup pitanga âkKisatiKajunut?
Taimanganit kapputiup pitanga âkKisautinga unuttonialungitut pigiannimi 2021, tânna prânvinsikkut kavamanga akKisuiKattaniakKut sivulliutitaugiaKajunut kinakkut kapijaukkâlâmmangâmmik. Nigiuvut unuluat kapputet atuinnaulânninginnik Kangatuinnak 2021-imi ammalu kapijausongutillugit taikkua kapijausongujut aujami 2021-imi. ikKaumakKujauvusi malitsiagiaKavusi apvitattet ânniasiutiligijinginnik Kaningitogasuallusi asigijannit, atullusi kinammiutanik, upvalugi aggatet, ammalu aniggamellutit Kanimaguvit kapijausimagaluatlutillonet.
Tainna COVID kapputiup pitanga âkKisautilik Kanuingitong?
COVID-19 kapputiup pitanga âkKisautilik kisiani atuttaulangavuk iluani Newfoundland ammalu Labradorimi angittausimatuaguni taikkununga Inositsiagittotitsigasuannimut Canadami, ammalu takutisipat Kanuilugani, atuniKatsiatuaguni, piujopat ammalu takutitsipat ikajotiKanninganik atuttaugunnagiamut anginitsaupat ulugiananninga. Kaujigiallagiamut Kaujigatsanik ilinganiKajumut Inositsiagittotitsigasuannimut Canadami Kimiggusimajangita piusinginnik ilinganiKajumut COVID-19 kapputiup pitanga âkKisautinginnik, takuniakKujauvusi Government of Canada’s website.
Nâmmatunik pitaKalangavâ kapputiup pitanga âkKisautinginnik ilonnait pitâsongukkulugit?
PivitsaKatsiagialet ammalu pitagijangit unuttonialungitut pigiannimi 2021. Ilonnait kapijaulugatik tapvainak, tâvatuak kapputet suli kajusiutigijaulangavuk jâringani unuluat kapputet atuinnauKâttilugit. Nigiuvut nâmmatunik kapputiKalânninganik ilonnainut kapijausonut aujaukKâtinnagu 2021.
AnnigususongulâkKinga nallianik kapputittâgajammangâmma?
kapputiup pitanga âkKisautingit unuttulângitut pigiannimi 2021, taimaimmat pivitsait angijolulângitut annigusugunnagiamut. kapputet pitanga âkKisautinginnik kapijaukKujauvusi, tâvatuak pigumangituagutsi pingikaluagutsi. kapijaungikaluaguvit pigumangikuvit.
kinatuinnak kapijaujuk, suli atuKattagialen kinammiutamik matunganik?
Ahk, sanavallianiammat akigattugiamut ammalu ilonnait kapijaulângimata atautsikut, suli kamatsiagiaKavugut atulluta kinammiutanik, Kaningitogasualluta asittinit, upvaKattalugit aggatit ammalu aniggamellutit Kanimaguvit.
Kanga inulimânut Inositsiagittotitsigasuannimut kamatsiagiamut pejaulâttong?
Tânna pejaunitsanga kinakkutuinnanut inosiKatsiagiamut atuttaujut takutsaulâttuk najuttiKallunillu sakKijunut sollu kapputet pitangita âkKisautingit akigijangit, atuniKatsianinga COVID-19 âkKisautingit ammalu ejaligijet Kanimmasinnut prâvinsimi, nunatsuami ammalu silatsuami. Apvitattet kamatsiagiamut malittaugialet, sollu atulluni kenammiutanik matunik, KaningitogasuaKattagiamut asinnit, upvaKattalugit aggatit ammalu aniggamellutit Kanimaguvit suli atuttaugialet kinakkutuinnanut uKasinnasinnapata kisiani asiagut Apvitattet Inositsiagitotitsigasuannimut uKasinnapata.