Tânna pivalliataujuk ammalu atuttauliaKittitaujuk kamatsiagiamut ammalu atuniKatsialuni COVID-19 kapputimmut Kanimmasittâgekkutik suliangujuk atuniKatsiatuk tâpsumunga Newfoundland ammalu Labradorimi COVID-19 akigattuninganut. TâkKutigona tânna kapputimmut Kanimmasittâgekkutik suliangujuk, tânna ununnigijangit Kanimmajunut, ammalu tuKusimajunut, ânniasiupvimejunut, ammalu tuKugajattut ikilliumilangajuk, pivitsaKattijumik Newfoundlandimiunik ammalu Labradorimiut utigunnagiamut piusigiKattajanginnut ullu tamât inosinginnut Kangivallialimmat. Tâvatualli, tânna COVID-19 kapputik Kanimmasittâgekkutik suliangujuk anginippânguvuk ammalu ajunnanippângutluni pivalliataulautsimajumut tapvani prâvinsimi ammalu Canadami.

Tânna tugâgutigilluasianga Newfoundland ammalu Labradoriup COVID-19 kapputet Kanimmasittâgekkutik suliangujuk imailingavuk kapputigiamut ununnisaugajattunut inunnik pigunnatanginnik nâmmasiattumik ammalu uluginalugatik piusiKallutik, atautsikut pitâgiamut kinakkutuinnanik pigumagiamut iluani kapputimmut Kanimmasittâgekkutik suliangujumut.

kinakkutuinnai nâmmasiattumik ammalu malitsiatunik KaujigatsaKagialet pitjutiKajumut COVID-19 kapputiup pitangita âkKisautinginnik ikajutaugunnagiamut kapijaugumagajammangâmmik kajusiutiliugunnagiamut. Taimângungituk KaujigatsaKappata ilinganiKajumut COVID-19 siammasimajuk nanituinnak Kagitaujatigut ammalu kinakkutuinnanut tusagatsauKattajutigut tâkkutigona silatsuami siammasimajumut, ajunnaliaKittisitluni Inulimânut ânniasiutiligijiujunut nâmmasiattumik Kaujimattisitsiagunnagiamut kiggatuttilagijingit ammalu nâmmatunillu Kaujigatsanik nuititsigiamut kinakkutuinnanut. Tânna kavamak Newfoundland ammalu Labrador sulijugijautsiatuk Kaujigatsanik ilinganiKajumut COVID-19 kapputinnut pitagijangita âkKisautinginnut iluani Newfoundland ammalu Labradorimi.

Tainna Kagitaujanettut tautsetauKattaniattut Kau tamât nutât Kaujigatsait atuinnaunginnapata pitjutiKajunut COVID-19 kapputiup pitagijangit âkKisautinginnik. kamaKattalutit nutânik Kaujititsiutinik.